بعيدا شوية عن الجانب العلمي...
حاجة حابب انوه اذهان حضراتكم ليها ويمكن معظمنا يغفل دورها ولا تقل اهمية عن الجانب العلمي
الواجهة الخاصة بالصيدلية او Display من الخارج
بشوف صيدليات كتير عارضة
(بامبرز - Body Spray- شامبوهات تجارية- فاتيكا -دابر أملا-شفرات حلاقة -Sanitary Napkins …..)
وبقية منتجات ال Every day Essential او ما تسمى ب (الاحتياجات اليومية) حط نفسك مكان العميل..
هل اما تشوف الحاجات دي هتدخل او حتى تجذب انتباهك ؟!
هل فيه المنتجات دي ميزة تنافسية عن غيرك او خدمة مضافة للعميل ؟!...
طبعا بعد لحظات من التفكير اكيد لا ممكن اجيبها من اي هايبر
ركز بقة معايا واجهة الصيدلية دي في علم ال Visual Merchandizing
دي (Hot Area) عين العميل بتروح عليها تلقائياحاول تستفاد منها بأقصى قدر ممكن
(فكر في منتجات يكون فيها Customer Counseling
منتجات تقدر تقدم فيها معلومة للعميل منتجات تميزك كصيدلي منتجات تخلى عندك ميزة تنافسية ومش من السهل ايجادها منتجات تحقق ال Win-Win Situation
منتجات تقدر تقدم بيها رسائل للعقل الباطن للعميل على سبيل المثال وليس الحصر :
١- منتجات التجميل الطبي باختلاف اشكالها والشركات المصنعة(غسول - مزيل مكياج -واقي شمس - مرطب- كريم تفتيح - منتج للتجاعيد -بروتين او كيراتين )وتعمد تعرض الشركات المشهورة
٢- الأجهزة الغالية بكل اشكالها (Braun silk Epil- Shaving machines - Electric Tooth brush- Humidifier- IPL - Oral whitening Trays -Glucometer -Blood Pressure monitors - Infrared Thermometer ،…….)
٣- ممكن تعرض (Strategic item ) حاجة عاوز تشتغل عليها او عندك منها زيادة او جايبها بخصم كبير او هتطلع Expire قريب
٤- هتعرض حاجة من الاحتياجات اليومية يبقى تعرض ما غلى ثمنه بحيث يوم ما تبيعه هيحققلك profit margin كبير يستاهل فعلا عرضه واستغلاله لمساحة عرض
٥-ولو الواجهة عندك كبيرة ممكن تحط فيها شاشة LCD من داخل الصيدلية وتعرض عليها اللي انت عاوز تعرضه او تقدم نصائح - مزايا - عروض للعملاء
افكااااااااااااار كتير جدا تقدر تعملها وتستغل المنطقة دي افضل استغلال العميل هيستفيد وحضرتك كمان هتستفيد وتحقق ال Win -Win situation
متفق مع كلامى او مختلف او حتى عندك افكار جديدة اكتبلي في التعليقات تحت وأدينا بنستفاد من بعض
