كلمتين لوجه الله تعالى

كلمتين لوجه الله تعالى
بقابل كتير دكاترة Fresh وحتى دفعات قديمة متشتتة بشكل كبير 
ادخل نظام عادي والا نظام كلينيكال 
طب ادخل نظام عادي وبعد كدة دبلومة كلينيكال 
لا لا ….خلاص انا هاخد فارم دي 
فيه فكرة احلي اخد MBA 
طيب وكاريير المصانع حاجة حلوة برضو 
بقولكوا ايه انا هاخد ماجستير Micro 
خليها Bio عشان معمل تحاليل 
طيب ما اخد دبلومة تحاليل وخلصنا 
لا لا فكك
احنا ناخد دبلومة جودة …وادارة مستشفيات وابقى مدير 
بقًولك ايه سيبك من دا كلو احنا ناخد
كورس تركيبات واعمل تركيبات مفيش منها اتنين 
طيب بقًولك ايه فلان منزل سلسلة كتب حاجة خلاصة تيجي نشتريها 
بقًولك ايه سيبك بقة من الكتب احنا نحضر بورد فارماكوثيرابي حاجة كدة من الآخر 
طيب ما بدل البورد نعمل معادلة ونهاجر كندا دا حتى المرتبات حلوة هناك وتأمين وصحة وتعليم …طيب بقًولك المانيا احلي من كندا حتى الجو مش ساقعة اوي 
طيب هو التكليف هينزل امته عشان نحفظه وبعد كدة نعمل حفظ عمل 
طيب النهدي او الدواء نازلين امته 
بلا كندا بلا المانيا خلينا مع الخليج واهو فيه آبار بترول كتير 
.
.
.
وطبعا دوامة مبتنتهيش 
ركز بقة معايا في اللي جاي 



١-مهم تسأل وتستشير اللي اكبر منك واصحاب الخبرة في كل مجال
… هيدوك خلاصة تجاربهم
طبعا هتكون Database محترمة
ولكن حضرتك هتحدد الكاريير بتاعتك بناءا على شغفك وحبك لمجال معين من اللي شفتهم 

٢- مفيش مجال كله مميزات وخالي من العيوب تماما 
هتاخد كل حاجة package على بعضه مميزات بعيوب 
ومفيش حاجة كاملة 

٣- حددت المجال اللي بتحبه …اسأل ناس كتير متميزين فيه (يكونوا مخلصين ليك عشان يدوك الخلاصة ويختصروا وقت طويل من البحث والتعب )

٤-شوف آلية تنفيذه على ارض الواقع في ظل امكانياتك المتاحة (المادية - النفسية - وقتك …)
خلي بالك رأس المال مش عقبة
الفكرة ال Creative وتنفيذها ونجاحها واقعيا هي الأهم 
ابدأ صغير واكبر وجرب مرة واتنين وعشرة
بدل ما ترمى Budget كبير ويحصل حاجة لا قدر الله متقدرش تكمل 
المشاركة مش وحشة بس يكون شريكك له نفس Vision والMission & Strategy
وكل حاجة تكونوا متفقين عليها 

مش شرط انك تمشي عكس الناس يبقى انت غلط والناس صح 

التخصص والندرة ليهم قيمة وثمن 
دائما خلي عندك Plan B قبل plan A
كمان تحسبا للظروف 
متحاولش تقلد حد كل شيخ وليه طريقة
وممكن انتوا الاتنين صح 
متستناش حد ينجحك انت اللي هتحط طريق نجاحك بنفسك 

٥-لقيت نفسك محتاج تاخد (دبلومة - كورس - ماجستير - بورد -كتب-دورة - MBA - معادلة -……)
عشان تساعدك في الكاريير اللي اختارتها توكل على الله
هتختصرلك وقت كبير وتحطك على اول الطريق 

٦- اجتهد ثم اجتهد ثم اجتهد 
(ربنا بيوفق المجتهد مش الفهلوي وعلى قدر اجتهادك وكم العقبات اللي هتقابلك تأكد ان الخير والنجاح قادمين ان شاء الله )

٧- خلي بالك دخولك مجال انت بتحبه حتى لو مش في نطاق دراستك 
هتستمتع وهتبدع وهتتميز 
حتى لو مفيش مكسب كبير في الاول ماديا بس سعادتك النفسية بحاجة انت بتحبها ده مكسب كبير وهو ده اللي هيكون دافع ليك 
(كتير نماذج اشتغلت في مجالات تانية خارج نطاق دراستها وما شاء الله عليهم في حتة تانية خالص  )

٨- دائما خليك باصص للمستقبل محتاج ايه ميبقاش تفكيرك تحت رجلك وخلاص 

٩- ان شاء الله اما مشروعك ينجح حط هامش ربح لوجه الله تعالى وجزء اخر كبر بيه المشروع 

١٠- ارجع لرقم (٢ )وخلي بالك من رقم (٦ )