كلمتين من القلب ❤️

حقيقة والله انا مبسوط جدا من المنافسة الموجودة علي الساحة في مجال التدريب والتطوير في الاطار المهني الصيدلي بمجالاته المختلفة 
عشان افهمك انا اقصد ايه 
كريستيانو رونالدو عمره ما كان هيبقى كريستيانو غير بالمنافسة مع ميسي 
والمنافسة الاحترافية ما بينهم خلت من الصعب حتى مستقبلا الوصول لهذا المستوى من المتعة الكروية 
وكان المشاهد هو المستمتع وانعكس ده علي المنافسة الكروية بشكل عام في العالم كله 

ده بالظبط اللي بيحصل حاليا
(المنافسة وتنوع المصادر )
كان زمان ممكن يكون فيه نقص في المصادر وكان المتاح قليل ..

نصيحة لزملائي الأعزاء 
حاول تستفاد من المنافسة الموجودة لعلها صحوة مش بس لحديثي التخرج 
كمان للدفعات القديمة من الصيادلة 
العلم بيتطور وكمان المهنة بتطور شوف الصيادلة زمان والصيادلة دلوقتي
شوف الصيدليات زمان والصيدليات في الوقت الحالي
اختلافات جوهرية لا يختلف اثنان عليها 
الاحداثيات اتغيرت زي اي حاجة ما بتتغير 

عمرنا ما هنطور نفسنا غير بالاجتهاد والتميز 
دائما خلي عندك ميزة تنافسية عن غيرك وحاول تتخصص في حاجة معينة
Sub-Speciality
لأن التميز والتخصص والندرة ليها ثمن 
خصوصا في وسط (العرض الكتير والفرص قليلة )
حدد انت عاوز ايه وبتحب ايه وال Passion بتاعك فين والمجالات كتيرة جدا 
اشتغل علي نفسك واجتهد وحضر نفسك للفرصة اما تجيلك انتهزها 

ما شاء الله …
عاوز تطور نفسك Pharma فيه اكتر من اختيار قدامك على الساحة 
عاوز OTC فيه اكتر من اختيار 
عاوز Non pharma (تجميل وتجميل طبي و…)
في اكتر من اختيار 
عاوز Board Pharmacotherapy ودماغك كلينيكال فيه قدامك اكتر من اختيار 
عاوز Nutrition فيه اكتر من اختيار 
عاوز تركيبات فيه اكتر من اختيار 
.
.
عاوز تعتمد على ال Self Learning ايه المشكلة 
المجالات كتير حدد انت عاوز ايه وانطلق ….
معادش عندك حجة لنقص المعلومة او قلة المصادر
اسأل اصحابك المميزين المخلصيين هيدوك النصيحة وهيختصرولك وقت كبير 
دائما خلي عندك Plan B زي ما عندك Plan A 
اجتهد ثم اجتهد ثم اجتهد وانتظر الفرصة واشتغل ليها وتأكد ب..
(ان الله لا يضيع اجر من احسن عملا )
تمنياتي بالتوفيق للجميع ..صيادلة ومحاضرين 
اقولكوا ايه تاني ..!
Dr Cosmo Academy