معجون أسنان بالفلوريد.....!
بنسمع كتير عن معاجين أسنان وغسولات فم وكمان جلسات فلوريد للأسنان !
هل فعلا مادة الفلوريد مكافحة للتسوس ؟!
ويعني ايه تسوس أصلا !!
تعالوا نفهم ايه الحكاية ببساطة
عشان نفهم دور الفلوريد لازم نفهم ايه تركيب الأسنان أصلا
الاسنان بتتكون من نوع من ال
Calcium Phosphate Crystal
اسمها Hydroxyapatite وده التركيب الكيميائي ليها
Ca10 (po4)6 (oH)2
هي دي طبقة المينا او Enamel
المادة دي بتخضع لمعادلة اسمها
Enamel Equilibrium
يعني من الآخر معادلة رايح جاي (المعادلة دي تحت في الصورة ) طيب مين اللي هيحدد المعادلة تمشي في اتجاه التحلل Demineralization والا في اتجاه البناء Remineralization طبعا حسب طبيعة الوسط من ناحية ال PH
وسط حمضي (شاي -قهوة -مشروبات حمضية -سكريات -نشويات -مشروبات غازية -سناكس -…..)
كل ده Generate Acids
يعني المعادلة في اتجاه التحلل والأسنان بتضعف
اضف كمان لمعلوماتك
بأعتبار ان حضرتك اكلت ومغسلتش اسنانك
فيه مادة بتتكون علي سطح الأسنان اسمها
Plaque
والمادة دي متكونة من (بعض Glycoproteins المترسبة من اللعاب + بقايا الطعام + البكتيريا )
والمادة دي اعتبرها سبب كل مشاكل ال Oral Cavity بشكل عام
تسوس بقى حساسية اسنان -رائحة فم كريهة
التهابات في اللثة او Periodontal Ligament
بكدة وصلنا ان فيه Plaque اللي البكتريا جزء من تكوينه
وكمان الوسط حامضي يعني Acidic PH
هو ده التسوس
اللي بنسميه
Decay or Caries or Cavity
نيجي بقى لدور الفلوريد
الفلوريد هيعكس المعادلة في اتجاه التكوين او اتجاه بناء مادة مينا الأسنان
Remineralization
مش كدة وبس دا هيروح يستبدل الجزيئين OH
اللي في مادة ال Hydroxyapatite ويخليها
Fluroapatite
Ca10 (po4)6 (F)2
والمادة دي طبيعتها انها
More Dense Less Soluble than Hydroxyapatite
And Less Likely to demineralize
طبقا ل ٢٥ دراسة أجريت على استخدام الفلوريد كمادة مضادة للتسوس
Decrease 37% in tooth decay in Baby teeth
Decrease 43% in tooth decay in Permanent teeth
طبعا بيحصل تجمع لمادة الفلوريد مع مرور الوقت والمشكلة هنا مش هتكون مع البالغين
هتكون بشكل كبير مع الأطفال منذ التسنين وحتى ٦ سنوات وقد تمتد حتى المراهقة في حالة بنسميها Enamel Fluorosis
(في الصورة المجمعة تحت البوست )
وده من Over exposure of Fluoride
وعشان كدة لازم نسبة الفلوريد لازم تكون محسوبة بدقة لكل فترة عمرية وهنبقى ان شاء الله نفرد بوست مفصل ليها وعن النسب المعتمدة من
American Dental Association
خلاصة الكلام
١-نقدر نعتبر ان مادة الفلوريد فعلا مادة مكافحة للتسوس وفهمنا ازاي
٢-معجون الأسنان للكبار يختلف عن معجون الأطفال اكبر من عمر ٦ سنوات
وطبعا يختلف عن معجون الأسنان أقل من ٤ سنوات
على حسب نسبة الفلوريد
يا رب تكونوا استفادتوا
Dr Bassam Barakat
