هحط دهب 24 قيراط على بشرتي ...!!

متابعينا الغاليين …اخباركم ايه وحشتونا 
…
طبعا فين وفين اما بنزل بوست علمي…

 خلي بالك ممكن ننزل كتير بس مش حابب ان المعلومة تكون مكررة او مبتذلة …
حابب دائما البوستات تكون متكلفة ومتعوب عليها في البحث والتحضير 
.
معانا النهاردة حاجة غالية جدا  
الجرام منها عدى ال ١٠٠٠ جنيه دا غير المصنعيات 
…خلال الأونة الأخيرة بدأت تظهر منتجات العناية بالبشرة واللي بتعتمد علي جزيئات الذهب في تركيبتها …
وطبعا ذاع صيتها في الأوساط الأرستقراطية
من مرتادي الحياة الفاخرة 
اما تكون العربية Rolls Royce وقاعد في قصر بعشروميت مليون دولاروبيطل علي جزر الهاواي ومعايا Gulfstream G650 
اكيد يعني هحط علي بشرتي ايه …أكيد ذهب عيار ٢٤ 
تعالو بقى نفهم القصة كلها بشكل علمي بدل ما بنقلد وخلاص 

الذهب معدن نفيس وغالي والكلام ده مش جديد
بدأ استخدامه بشكل موضعي منذ اكتر من ٧٠ سنة في علاج بعض الأمراض زي
Rheumatoid Arthritis
لأن ليه مفعول مضاد للالتهاب والكلام ده صحيح ومثبت بأبحاث ودراسات علمية كتيرة 
عشان الذهب يمتص من الجلد لازم تكون حجم جزيئاته علي مستوى ال Nanonized
طب والميكرو …!؟
احب اقولك انه مش هيمتص اصلا 
خلي بالك ان
Nanonized Gold particles
غالية جدا وده طبيعي لأن الذهب غالي وتحويله لجزيئات نانو تقنية كمان غالية 

الذهب في ال Topical Preparation بيبقى في شكل جزيئات Nanonized in A-colloidal Form (Liquid Based Formula )

الذهب يمتلك
Limited antibacterial Activity
زيه زي بعض المعادن الأخرى زي
Zinc - copper - silver
الذهب ليه مفعول مضاد للأكسدة
وبالتالي ممكن يكون ايه دور في اسراع التئام الجروح
الذهب في شكل
Nanonized
قادر علي الاختراق بشكل كبير لأبعد طبقات في الجلد ودي اهم ميزة فيه
فبينقل ال Nutrition والOxygen للخلايا بشكل افضل 
وبيستخدموه ك Carrier او ك
Drug Delivary System
في بعض الأورام في مجال ال Oncology
وايضا في مجال ال Microbiology
في اظهار شكل البكتيريا من ناحية وايضا ال
Bacterial Resistance
من ناحية اخرى 
وده انا شايفه انه اعظم دور لذرات الذهب في المجال الطبي
الذهب يستخدم ك Contrast في الميكروسكوب الاليكتروني 

الذهب ممكن يعمل
تحسس بشكل موضعي
وقد تصل لالتهابات في الرئة والجهاز الهضمي ايضا ولكن نادرة الحدوث في الاستخدام الموضعي 
عشان اللي بياكلوا Icecream  بالذهب في دبي يخلوا بالهم 

الذهب ليه
High reflecting Shine
او قدرة عالية على اللمعان
(Shine induced Ability )
وبالتالي هيدي اضاءة ولمعان زي Glitter كدة 
بس خلي بالك المفعول ده transitory ومش دائم 

الذهب الموضعي بكمية كبيرة ممكن يوصل ل Toxic Level
وده مش صعب حدوثة على فكرة 
ويعمل
Blue Skin Discoloration
(تيجي تكحلها تعميها )

وللعلم حتى الآن مفيش اي
FDA GUIDELINES
تشير الى استخدام الذهب في منتجات
Skin Care products 
او نقدر نقول
There is limited Scientific Data 

والمصادر هسيبهالك تحت 
ابقى بص عليها وشوف فيها كام Research معمول على ذرات الذهب واستخدامها في المجالات الطبية المختلفة 

برأيك بعد ما عرفت المعلومات دي ..
هل هتشتري منتج بذرات الذهب معدي ال ١٠٠٠ جنيه …!؟
اكتبلي تحت في التعليقات 
.
.
بس لو هتاخد رأيي وده مش فرض على حد 

برأيي قيمة مقابل سعر ملوش اي لازمة 
بالعكس لو عاوزة نضارة وشد للبشرة
استخدم/ي :
AHA
Peptides
Hyalloronic Acid
Topical Antioxidant:
Vit B3
Vit C
Vit E
Co Enz Q10
Green tea Extract
وال Nutrition بشكل عام داخليا و Topical 

ولو قصروا معاكي روحي لذرات الذهب 
واللي عاوز Glitter ولمعان وعاوز يلعلط 
…هو زيت نوكس (OR) قصر معاكم في حاجة !! 

المصادر :
https://www.ncbi.nlm.nih.gov/pmc/articles/PMC3347577/
———
https://www.cosmeticsandtoiletries.com/.../assessing-use...
————
https://www.pnas.org/doi/10.1073/pnas.2007285117
——
https://edit.sundayriley.com/gold-in-skincare/
كل مقال من دول بص علي المصادر كمان 

Dr Bassam Barakat
Dr Cosmo Academy