واقي شمس ضد الأشعة تحت الحمراء ....هل مهم ؟!
سؤال وردني اكتر من مرة في جزئية ممكن يكون فيها لغط كتير حتى بين الباحثين نفسهم
ما اهمية استخدام حماية ضد اشعة ال Infrared
خصوصا ان شركات كتير كاتبة النقطة دي على منتجات الحماية من الشمس ك Selling Point..!
تعالوا نفهم كل حاجة
ال Infrared نوع من الاشعة ليها طول موجي اطول نسبيا ما بين ٧٨٠ نانوميتر و١٠٠٠ مايكرو ميتر وقدرة اختراق اعلي بالتأكيد وبيبقى مفعولها شكل حرارة تحت سطح الجلد hyperthermia بالتحديد في طبقة ال Hypoderm
ال IR طبقا لدراسات علمية كتيرة ملهاش مخاطر
بل بالعكس قد تكون ميكانيزم حماية ربانية للجلد عن طريق تنشيط الدورة الدموية
وبالتالي تقليل الضرر الواقع من
UVA & UVB
سواءا كان حروق او التهاب او حتى مكافحة الجذور الحرة (Free radicals )
الدراسات اللي بتعتقد في مخاطر ال IR كانت كلها invitro وليس invivo (مش علي الجلد البشري مباشرة )
وكمان Accumulative تراكمي محتاج زمن طويل جدا ومحتاج جرعات كبيرة
(Dose dependable)
يعني اللي يقلق من خطورتها ك photo ageing علي المدى البعيد واحد طبيعة شغله مع النار بشكل مباشر وعلى فترات طويلة (لحام-مصانع الحديد والصلب -…اشياء من هذا القبيل )وطبعا الفئات دي بيبقى لبسهم كله وماسكات ونظارات وقبعات من طابع خاص للحماية
وبالتالي نقدر نقول بأنه …
لا يوجد اهمية لاستخدام واقي شمس ضد IR
التركيز كل التركيز في الحماية علي
UVA & UVB
ودي من نعمة ربنا علينا انها لا تمثل اكثر من ٥-١٠٪ من كمية الأشعة
لو فكرنا حتى نعمل حماية حقيقية ضد ال IR هيكون شغلنا بشكل مخالف تماما عن فكرة واقي الشمس والفلاتر
وهيكون شغلنا علي ال
Mitochondria
وخصوصا عملية تصنيع الكولاجين والايلاستين وعدم تكسيرهم واهمهم مضادات الاكسدة زي
Vit c -Vit E -Ferulic Acid …
ال UVA& UVB مش بيمنعوا ال IR
ولكن ال Physical Sunscreen بما ان فكرته قائمة علي انه مادة سميكة نوعا ما
physical barrier
بتعكس وتفرق اشعة
الشمس فهيكون النصيب الاكبر ل IR في الانعكاس بما انها تشكل حوالي ٥٠٪ من اشعة الشمس
فيه تطبيقات نافعة كتير في حياتنا ب IR في مجالات ال Physical Therapy وال Oncology وال Neuritis وكمان ال Wound Healing
دا حتى اشارة الريموت كنترول لأي جهاز عن طريق ال IR
للتعمق
https://drbaileyskincare.com/.../sunscreen-that-blocks...
———-
https://www.kaiyanmedical.com/.../does-sunscreen-blocks...
——-
https://www.colorescience.com/.../zinc-oxide-titanium...
———-
https://www.ncbi.nlm.nih.gov/pmc/articles/PMC5505738/
Dr Bassam Barakat
Dr Cosmo Academy
